Día de Galicia archivos - Kiwi Atlántico
Día de Galicia. O kiwi e o sabor da terra verde

Día de Galicia. O kiwi e o sabor da terra verde

Este domingo 25 de xullo celebramos o Día de Galicia. Un dos alicerces da esencia de Kiwi Atlántico como empresa é o orgullo que sentimos por ser de aquí. Porque Galicia sempre nos tratou con cariño, deunos o pulo necesario para chegar a onde estamos e mima o produto sen o que non seríamos nada. 

O sabor da terra convértese en Kiwi Atlántico nun sentimento. Temos olfato para ulir o arrecendo da terra mollada, ollos para desfrutar do verde da paisaxe, oído para escoitar os ríos, tacto para apalpar os froitos e gusto para saborear a terra. Porque o kiwi verde sabe a terra labrada, a herba húmida e a mans coidadosas de artesán. 

Cando recollemos un kiwi da plantación, só un, todo o arrecendo de Galicia está dentro. Cando Kiwi Atlántico era tan só un experimento, un proxecto aloucado pero ilusionante, o clima galego deunos a sorpresa. Unha vez máis, Galicia respondía. E grazas a ela, hoxe somos a meirande comercializadora de kiwi de España. Todo comeza aquí. 

Celebremos o Día de Galicia como quen desfruta da froita recén colleitada. Deixade quede pegado o sabor da terra verde no padal para non esquecer de onde somos. Con orgullo. 

Feliz Día de Galicia. ????

Kiwi Atlántico: orgullosos das nosas orixes

Aproveitamos que hoxe se celebra o Día de Galicia, o noso 25 de xullo, para dicir o que vimos repetindo dende hai xa 30 anos: en Kiwi Atlántico estamos orgullosos das nosas orixes. En Galicia puxemos en marcha a idea e, dende aquí, convertímola nunha das meirandes comercializadoras de kiwi de Europa.

Galicia deunos moito. Nutriunos da ilusión e a valentía necesarios para poñer o proxecto en marcha. Todos os que formamos a gran familia de Kiwi Atlántico temos claro que o amor á terra, á agricultura, foi sempre un dos cimentos para hoxe poder dicir con satisfacción que a idea deu os seus froitos. E todo con humildade, non esquecendo as nosas raíces.

O poder do Atlántico

Aquí desenvolvimos a idea. Dende aquí fomos abrindo camiños fóra e levando por todo o mundo a frescura do Atlántico. A Galicia Atlántica está en nós e no noso traballo. A forza do Atlántico está en cada un dos froitos que cultivamos e recollemos coas mans; consigue que o froito medre dun xeito natural e que confiemos en que a terra faga o resto. É sabido que de Galicia saen algúns dos produtos de meirande calidade que conquistan o mundo. Galicia ten algo especial que a fai diferente neste sentido e iso nótase, no noso caso, cando disfrutas dun kiwi con sabor atlántico.

Kiwiplantacion

 

Toda a traxectoria de Kiwi Atlántico está vinculada a esta terra: os donos da idea, os que arriscaron con valentía, o seu persoal, os seus proveedores. Dende os inicios ata a actualidade, Galicia nunca nos abandonou. Tamén somos privilexiados de estar ligados a unha zona única, as terras de Ribadumia. Un lugar que nos acolleu con agarimo e no que temos a nosa sede central.

Chamábannos “tolos” cando, hai 30 anos, decidimos plantar kiwi en Galicia. Hoxe, cada plantación deste froito é un éxito porque Galicia e o seu clima son profundamente xenerosos con nós. Por iso dicimos ben alto que Kiwi Atlántico é unha das moitas empresas galegas que, con orgullo, xeran riqueza aquí e levan Galicia no corazón.

Todo o equipo de Kiwi Atlántico deséxavos un feliz Día de Galicia. Da Galicia atlántica.